Тауарларды сатып алу және жеткізуді ұйымдастыру қызметтерін көрсету туралы жария оферта

1. Кіріспе

1.1. Осы Жария оферта (бұдан әрі – «Оферта») NEXTGEN COMMERCE LTD ЧК (бұдан әрі – «Орындаушы») тарапынан Қазақстан Республикасы Азаматтық кодексінің 395-бабына сәйкес осы Офертаны акцептеген кез келген жеке тұлғамен (бұдан әрі – «Тапсырыс беруші») төменде көрсетілген талаптар бойынша тауарды сатып алу және оны жеткізуді ұйымдастыру жөніндегі ақылы қызмет көрсету шартын жасау туралы ресми ұсыныс болып табылады.

1.2. Осы Оферта шеңберінде маркетплейстер ретінде, соның ішінде, бірақ олармен шектелмей: 1688.com, jd.com, temu, pinduoduo, taobao, сондай-ақ тауарларды сату туралы ұсыныстар орналастырылуы мүмкін өзге де сауда алаңдары танылады.

2. Шарттың мәні

2.1. Орындаушы Тапсырыс берушінің тапсырмасы бойынша:

2.1.1. Тапсырыс беруші Тапсырыста көрсеткен тауарды (бұдан әрі – «Тауар») таңдалған маркетплейстегі Сатушыдан (мысалы, 1688.com, jd.com, temu, pinduoduo, taobao және т.б.) сатып алуға;

2.1.2. Тауарды Тапсырыс берушіге жеткізуді ұйымдастыруға міндеттенеді.

2.2. Тапсырыс беруші:

2.2.1. Тауарды сатып алу және жеткізу үшін қажетті барлық ақпаратты Орындаушыға ұсынуға;

2.2.2. Орындаушының қызметтеріне Шарт талаптарына сәйкес ақы төлеуге міндеттенеді.

2.3. Тауарға меншік құқығы, сондай-ақ оның кездейсоқ жойылу немесе кездейсоқ бүліну тәуекелі Тауар Тапсырыс берушіге тиісті платформаның қағидалары мен саясаттарына сәйкес берілген сәттен бастап Тапсырыс берушіге өтеді.

3. Қызметтердің құны және есеп айырысу тәртібі

3.1. Орындаушы қызметтерінің құны Тапсырыста айқындалады және мыналарды қамтиды:

Сатушыдағы Тауардың құны;

Қытай аумағындағы ішкі тасымалдау шығындары;

Тауарды тапсырысты беру пунктіне дейін жеткізу шығындары;

Осы Шарт бойынша міндеттемелерді орындауға байланысты өзге де келісілген шығындар.

Сынғыш және ірі габаритті тауарлар үшін жүктің сақталуын қамтамасыз ету мақсатында қосымша қаптама қажет болуы мүмкін. Мұндай қаптаманың құны бөлек төленеді.

3.2. Орындаушы қызметтеріне ақы төлеу Тапсырыс беруші тарапынан келесі тәсілдермен жүзеге асырылады:

Ақшалай қаражатты Орындаушының есеп айырысу шотына аудару арқылы;

Орындаушының сайты немесе мобильді қосымшасы арқылы банк картасымен төлеу арқылы.

3.3. Төлемдердің қауіпсіздігі:

Төлемдер Қазақстан Республикасы Ұлттық Банкінің тізіліміне енгізілген төлем ұйымдары арқылы Visa және Mastercard банк карталарымен қабылданады;

Төлемдер 3D Secure және SSL/TLS технологияларымен қорғалған және PCI DSS стандартына сәйкес келеді;

Орындаушы Тапсырыс берушінің банк карталарының деректерін алмайды және сақтамайды;

Тапсырыс берушінің дербес деректері тек Шартты орындау мақсатында пайдаланылады және Қазақстан Республикасының заңнамасына, сондай-ақ АХҚО-ның деректерді қорғау туралы ережелеріне (AIFC Data Protection Regulations) сәйкес өңделеді;

Тапсырыс берушінің жеке деректері қауіпсіз сақталады және тек Шартты орындау мақсатында пайдаланылады.

4. Шарттың қолданылу мерзімі

4.1. Шарт Тапсырыс беруші осы Офертаны акцептеген сәттен бастап жасалған болып есептеледі.

4.2. Шарттың қолданылу мерзімі Тараптардың Шарт бойынша өз міндеттемелерін толық орындауы үшін қажетті кезеңмен айқындалады, бірақ кез келген жағдайда Оферта акцептелген сәттен бастап 30 (отыз) күнтізбелік күннен аспауға тиіс. Шарт бойынша міндеттемелерді орындауға кедергі келтіретін еңсерілмейтін күш жағдайлары (форс-мажорлық жағдайлар) туындаған жағдайда, Шарттың қолданылу мерзімі және міндеттемелерді орындау мерзімдері осындай жағдайлардың әрекет ету кезеңіне және олардың салдарын жою үшін қажетті уақытқа ұзартылады.

5. Офертаны акцептеу тәртібі

5.1. Офертаны акцептеу Тапсырыс берушінің келесі әрекеттерді жасауы арқылы жүзеге асырылады:

Орындаушының мобильді қосымшасы немесе сайты арқылы Тапсырысты рәсімдеу;

Орындаушының қызметтеріне банк картасымен немесе көзделген өзге тәсілмен ақы төлеу.

5.2. Оферта акцептелген сәттен бастап Тапсырыс беруші Офертада көрсетілген талаптар бойынша Шарт жасасқан болып танылады.

6. Тараптардың құқықтары мен міндеттері

6.1. Орындаушының құқығы бар:

Тауарды сатып алу және жеткізу үшін қажетті толық әрі шынайы ақпаратты Тапсырыс берушіден талап етуге;

Тапсырыс берушімен келісусіз Шарт бойынша өз міндеттемелерін орындау үшін үшінші тұлғаларды тартуға.

6.2. Орындаушы міндетті:

Тапсырыс беруші көрсеткен параметрлерге сәйкес Сатушыдан Тауарды сатып алуды жүзеге асыруға;

Тауарды Тапсырыс беруші көрсеткен мекенжайға жеткізуді ұйымдастыруға;

Сұрау салу бойынша Тапсырыс берушіге Тапсырыстың орындалу мәртебесі туралы ақпарат беруге.

6.3. Тапсырыс берушінің құқығы бар:

Шарттың орындалу барысы туралы ақпарат алуға;

Орындаушыдан өз міндеттемелерін тиісінше орындауды талап етуге.

6.4. Тапсырыс беруші міндетті:

Қажетті Тауар және жеткізу мекенжайы туралы нақты әрі толық ақпаратты Орындаушыға ұсынуға;

Орындаушының қызметтеріне толық көлемде және уақтылы ақы төлеуге.

7. Жауапкершілікті шектеу

7.1. Орындаушы Тауарды Сатушыдан сатып алу кезінде тек Тапсырыс берушінің атынан және оның есебінен агент ретінде әрекет етеді. Қазақстан Республикасы Азаматтық кодексінің агенттік қатынастарды реттейтін 846-бабына және заңнаманың өзге де нормаларына сәйкес Орындаушы Тауардың меншік иесі немесе өндірушісі болып табылмайды.

7.2. Орындаушы Тауардың сатушысы болып табылмайды және оның сапасына, жиынтықталуына, сипаттамаға және мәлімделген сипаттамаларға сәйкестігіне жауап бермейді. Тауарға қатысты барлық талаптар тиісті маркетплейске және/немесе Сатушыға олардың қағидалары мен саясаттарына сәйкес қойылады.

7.3. Тауардың сапасы мен жай-күйіне қатысты барлық талаптарды Тапсырыс беруші тікелей Сатушыға немесе маркетплейстің ресми өкіліне ұсынады. Орындаушы өз тарапынан Қазақстан Республикасының қолданыстағы заңнамасына сәйкес және ақылға қонымды шектерде Тапсырыс берушіге Сатушымен байланыс орнатуға және талаптарды реттеуге жәрдем көрсетеді.

7.4. Орындаушы халықаралық тасымалдау барысында туындаған Тауардың бүлінуі үшін жауап бермейді, алайда Тапсырыс берушіге логистикалық компанияларға (тасымалдаушыларға) және/немесе өзге де жауапты тұлғаларға талаптар/талап-арыздар қоюға мүмкіндік беретін барлық қажетті құжаттар мен ақпаратты ұсынуға міндеттенеді.

7.5. Егер нақты маркетплейстің (jd.com, temu, pinduoduo, taobao және т.б.) қағидаларында қосымша кепілдіктер немесе қайтару шарттары көзделсе, Орындаушы олардың ұсынылуы және/немесе орындалуы үшін жауап бермейді. Алайда Тапсырыс берушінің сұрауы бойынша тиісті маркетплейске немесе Сатушыға осындай талаптарды қою үшін қажетті құжаттарды рәсімдеуге көмек көрсете алады.

7.6. Орындаушы Сатушының Тапсырысты қабылдаудан бас тартқаны үшін жауап бермейді.

8. Құпиялылық және деректер қауіпсіздігі

8.1. Орындаушы Тапсырыс берушінің дербес деректерін Қазақстан Республикасының қолданыстағы заңнамасына және АХҚО-ның деректерді қорғау туралы ережелеріне (AIFC Data Protection Regulations) сәйкес қорғауға кепілдік береді.

8.2. Банк картасымен төлем жасау кезінде:

Деректерді шифрлау мен қорғаудың заманауи технологиялары қолданылады;

Тапсырыс берушінің банк карталарының деректері сақталмайды және Орындаушы тарапында орналастырылмайды;

Төлемдерді өңдеу сертификатталған төлем шлюздері арқылы жүзеге асырылады.

9. Дауларды реттеу

9.1. Шарттан туындайтын немесе оған байланысты барлық даулар мен келіспеушіліктерді Тараптар келіссөздер жүргізу және тиісті құжаттармен алмасу арқылы шешуге ұмтылады.

9.2. Келіссөздер арқылы келісімге қол жеткізілмеген жағдайда, дау Қазақстан Республикасының қолданыстағы заңнамасына сәйкес сот тәртібімен қаралады.

10. Өзге шарттар

10.1. Осы Офертада көзделмеген барлық мәселелер бойынша Тараптар Қазақстан Республикасының қолданыстағы заңнамасын және Орындаушының өзге де қағидаларын басшылыққа алады.

10.2. Офертаның жекелеген тармақтарының жарамсыздығы оның қалған ережелерінің жарамсыздығына әкеп соқпайды.

11. Орындаушының деректемелері